O IES de Catabois é un centro público no que se imparten os catro cursos da Educación Secundaria Obrigatoria (ESO) e dous perfís: Comercio e Carpintaría dos Programas de Cualificación Profesional Inicial (PCPI). Atópase situado no concello de Ferrol, na estrada de Catabois, a uns tres quilómetros do centro urbano.
Instalacións:
•Un edificio de administración dunha planta no que están os despachos de dirección, secretaría, xefatura de estudos, orientación, oficinas de administración, local para ANPA, comedor, almacén, radio, e servizos.
•Un edificio de dúas plantas onde están as aulas, a biblioteca, o taller de tecnoloxía, o laboratorio de ciencias, o laboratorio de idiomas, as dúas aulas de informática, a de música, a de plástica, o aula de audiovisuais que se utiliza tamén como salón de actos, a conserxería, sala de profesores, a cafetería, os departamentos, os servizos para alumnado e profesorado e varios almacéns. •Un edificio de planta baixa, que foi a antiga casa do conserxe.
•Un pavillón cuberto para educación física.
•Un patio exterior amplo con dúas pistas de cemento e un recinto semicuberto.
Dentro do perímetro escolar hai varios xardíns con plantas e árbores diversas.
web oficial: http://www.edu.xunta.es/centros/iescatabois/
